Rrëfehet Lubonja: Kur kuptova se Berisha ishte “kokë e këmbë si Enver Hoxha”

Duke folur në emisionin “Të paekspozuarit” me kandidatin për kryetar të PD-së, Eduard Selamin, Lubonja fajësoi të gjithë figurat kryesore të Partisë Demokratike se ishin nënshtruar përballë prirjeve diktatoriale të Sali Berishës.

Sipas Lubonjës, situata me të cilën përballet sot Partia Demokratike është pasojë mënyrës se si e drejtoi Berisha për 25 vjet.

“Që në vitin 1991 më tha njëri prej këtyre, dhe nuk dua t’ia përmend emrin sot. “Të gjithë ne jemi nga pak Enver, por ky është kokë e këmbë Enver” më thanë për Berishën. Ishim 9 përfaqësues të partive dhe të shoqatave për të drejtat e njeriut në takimin me Xhejms Bejker.

Normal që Sali Berisha ishte nga njerëzit më të rëndësishëm. Por kishim vetëm 1 orë kohë për t’i folur atij. Gjysëm orë foli Sali Berisha, nga 2 minuta i la gjithë të tjerëve në atë takim”, tregoi Lubonja gjatë emisionit, duke fajësuar edhe bashkëpuntorët e Berishës që nuk folën për largimet e njëpasnjëshme në Partinë Demokratike gjatë viteve të para të demokracisë.