Pasuria e ministrave të qeverisë “Rama 2”, nga jetesa me rrogën mujore, tek 14 llogari bankare

Zbardhen pasuritë e kabinetit “Rama 2”.

Kryeministri Edi Rama ka deklaruar të ardhurat nga rroga, nga honoraret dhe fitimet nga shitja e pikturave.

Zëvendëskryeministra Senida Mesi dhe bashkëshorti i saj disponojnë 14 llogari bankare, dy apartamente dhe automjet. Bashkëshorti zëvendëskryeministres zotëron 100% të aksioneve të një kompanie.

Zbulohet pasuria e Edi Ramës, ja sa merr nga punët artistike kryeministri

Ministri i Brendshëm deklaron si të ardhura vjetore pagën dhe të ardhurat nga komisionet e përhershme e të përkohshme në Kuvend. Fatmir Xhafaj ka deklaruar si pasuri të patundshme një dyqan në Vlorë nga dhënia me qira e të cilit ka marrë 13770 euro në një vit.

“Gazeta Shqiptare” publikon pasuritë e kabinetit qeveritar, të cilat u referohen deklaratave të pasurisë, dorëzuar prej tyre në Inspktoratin e Lartë të Deklarimit dhe Kontrollit të Pasurive, të cilat janë zbardhur nga “Open Spending Albania”.

Ndryshimi i pasurisë
Nuk është rroga e vetmja pasuri që mbahet kryeministri i Shqipërisë, Edi Rama. Kjo, pasi numri një i qeverisë merr të ardhura edhe nga punët artistike, apo edhe honoraret ku ka deklaruar se merr 51.000 lekë. Kreu i qeverisë ka deklaruar se të ardhura neto nga paga merr 2 015 199 lekë, ndërsa të ardhura neto nga krijimtaria artistike, shitje e punëve artistike merr 3 894 352 lekë.

Ndërkaq, sipas “spending data.al”, nisur nga deklarimi i Ramës, deri tani ka shlyer shumën prej 4 852 euro për kredinë me vlerë 80 000 euro, afat 10-vjeçar të marrë në datë 22.10.2013 pranë një banke të nivelit të dytë. Kredia është pjesë e regjistrit martesor dhe detyrimi i mbetur në datën 31 dhjetor 2017 është 26 460 euro. Ndërsa edhe bashkëshortja e tij, Linda ka shlyer shumën prej 4 853 euro për kredinë e përbashkët me vlerë 80 000 euro, me afat 10-vjeçar të marrë në datë 22.10.2013.

Nga ana tjetër, Linda Rama, gjatë vitit 2017 deklaron të ardhura nga puna si eksperte 1 849 983 lekë, të ardhura nga honoraret 1 241 276 lekë, qira nga apartamentet 2 712 180 lekë dhe interesa bankare 2 394 lekë. Ndërkaq, i biri i kryeministrit të Shqipërisë, Edi Rama, Gregor Rama, rezulton se jeton me qira si dhe se gjatë vitit 2017 ka marrë 400 mijë lekë të vjetër borxh. Nga shitja e veprave të artit, Gregori gjatë vitit 2017 ka fituar 28 mijë euro.

Data: 15 Qershor 2018 13:28
Autori: GazetaExpress

Lexo më shumë në: http://www.gazetaexpress.com/lajme-nga-shqiperia/zbardhet-pasuria-e-ministrave-te-qeverise-rama-2-nga-jetesa-me-rrogen-mujore-tek-14-llogari-bankare-548345/?utm_source=referral&utm_medium=web&utm_campaign=copyright