Në Shqipëri s’kanë fund çudirat/ Bashkia e Pukës nxjerr në ankand boronicat, manaferrat dhe kërpudhat

Banorët e zonave malore të veriut të Shqipërisë, kryesisht pranë Alpeve, mburren me frutat e egra të pyllit që janë një prodhim bio, si bornonicat, manaferrat dhe kërpudhat, të cilat i mbledhin dhe i shesin më pas.

Por mesa duket, prej sot ata nuk do të kenë më mundësi të nxjerrin jetesën me këto fruta që u jep toka e tyre, pasi bashkia e Fushë-Arrësit ka vendosur t’i nxjerrë këto toka në ankand për kompantë private.

Open Data Albania ka publikuar së fundmi çuditë e prokurimeve të fundit që ka bërë bashkia në fjalë, pikërisht gjatë muajit qershor të fushatës zgjedhore.

Këto ankande synojnë shfrytëziimin e pyjeve dhe territoreve publike nga firmat private, ku ka disa ankande për shfrytëzimin e lëndës drusore dhe ç’është më e habitshmja edhe për manaferrat që janë një prodhim tërësisht i natyrës, boronicat e kërpudhat.

Në listën e ankandeve të publikuara, disa prej tyre janë “anuluar”, por nuk dihet se cila ka qenë arsyeja.

gazetaexpres