Mbi 20 të vrarë gjatë shërbesë së të dielës në një kishë në Teksas, SHBA

Një person i armatosur hapi zjarr në një kishë në Texsas gjatë shërbimeve të së dielës, duke shkaktuar viktima të shumta të raportuara. Sulmi ndodhi në Kishën e “First Baptist” në Sutherland Springs në Wilson County.

Mediat njoftojnë se personi i armatosur hyri në kishë rreth orës 11:30 sipas kohës lokale, dhe filloi të qëllonte. Sipas policisë flitet për shumë viktima, ndërsa sulmuesi është vrarë gjatë të shtënave nga policia.

Më shumë se 20 veta raportohet të jenë vrarë dhe të paktën 20 të tjerë janë plagosur të dielën gjatë të shtënave në një kishë afër San Antonios në Teksas.

Agjentët federalë të FBI-së u nisën për në vendin e ngjarjes në Sutherland Springs.

Komisionari i kontesë Wilson, Albert Gamez, u tha gazetarëve se më shumë se 20 veta janë vrarë dhe 20 janë plagosur. Numrat ende nuk janë konfirmuar dhe ende nuk janë dhënë hollësi rreth sulmit.

Burri i armatosur u tha se hyri në kishë rreth 30 minuta pasi kishte filluar shërbimi dhe hapi zjarr.

Policia tha se sulmuesi u largua dhe pas një ndjekjeje të shkurtër me makina, ai vrau veten, ose u vra nga oficerët e policisë. Ende nuk është bërë i ditur identiteti i tij.

Presidenti amerikan Donald Trump tha se po e ndjek situatën nga Japonia ku ndodhet në fillim të një vizite gati njëjavëshe në Azi. VOA