Fjalët e fundit të Migjenit në spital – në shtëpinë e të dëshpëruarve

Më 26 gusht ishte 80-vjetori i vdekjes së 27-vjeçarit Millosh Gjergj Nikolla (Migjeni) që, pavarësisht rockut të papërsëritshëm të prozës së vet, arkapi(je) e vërtetë kah shtrëngatave letrare evropiane të viteve ‘30 – nuk u bë dot kurrë pjesë e Club 27 (artistët që vdiqën në moshën 27-vjeçare që nga Alexandre Levy e deri te Fredo Santana)

Dëshmia e tij e fundit me shkrim për të është nga një spital italian, ku ishte çuar për t’u kuruar nga tuberkulozi: “15 Maj 1938 – Ka kohë që më sillet ndër tru mendimi të marr shënime në shtëpinë e të dëshpruemve – në sanatorium. Sot, ma tepër se kurr, m’asht duke kjo banesë shtëpi e të dëshpruemve, mbasi nuk ndihesha mirë fizikisht, e kur nuk ndihem mirë fizikisht, vuej dy herë ma tepër shpirtnisht. Mbasi e diela – erdhën Olga, Arta T. Dhe Ankthim K.* Biseduam mbi temën e ditës: politikën, mandej mbi mizat e ngordhuna nëpër tokë nga formalina. Në korriz të politikës së ditës dhe në korriz të mizave të ngordhuna e bamë pak gaz. Kur shkuen këta, ndihesha ma mirë dhe në darke ngrana mjaft mirë.”